నిజానికి ఇప్పటికీ దేశద్రోహం చట్టం (ఐపీసీ సెక్షన్ 124ఎ)పై స్టే మాత్రమే ఉంది. పూర్తిగా ఎత్తివేయలేదు. బ్రిటీష్‌ వలసవాద చట్టానికి జస్టిస్‌ ఎన్వీరమణ ఓ అడుగు ముందుకేసి తాత్కాలిక బ్రేకులు వేయగా.. మరోవైపు మన ప్రభుత్వాలే ఆయాసపడి తెచ్చుకున్న 'UAPA-చట్ట వ్యతిరేక కార్యకలాపాల నిరోధక చట్టం' మాత్రం బుసలు కొడుతూనే ఉంది.
పౌర హక్కుల నేత ప్రొఫెసర్ హరగోపాల్పై దేశద్రోహం కేసు నమోదు అయింది. ఉపా చట్టం 2022 కింద గత ఏడాది ఆగస్టు 19న ములుగు జిల్లా తాడ్వాయి పోలీస్‌స్టేషన్‌లో కేసు ఫైల్ అయింది. ఇదే కాకుండా ఆయుధాల చట్టం, సెక్షన్ 10 కింద కేసులు నమోదు అయ్యాయి.
