ఎమ్మెల్సీ ఎన్నికల ఫలితాలే ఎమ్మెల్యే ఎన్నికల్లో కచ్చితంగా వస్తాయని మనం చెప్పలేం. ఓ వర్గం మాత్రం ప్రభుత్వంపై తీవ్ర అసంతృప్తితో ఉందని స్పష్టంగా తేలిపోయింది. ఎన్నికలకు సరిగ్గా ఏడాది ముందు ఈ ఫలితాలు అధికారపార్టీకి అంత మంచి శకునం కాదు.
రాజధాని ఇస్తామన్నా ముఖ్యమంత్రి వైఎస్. జగన్ మోహన్ రెడ్డిని విశాఖ ఓటర్లు నమ్మట్లేదా...? అవుననే అనిపిస్తోంది. అనిపించడమే కాదు ఉత్తరాంధ్ర పట్టభద్రుల ఎమ్మెల్సీ ఓట్లలో కనిపించింది కూడా. జులైలో విశాఖ వస్తామని జగన్ ప్రకటిస్తే రావాల్సిన అవసరం లేదని ఉత్తరాంధ్ర తీర్పు చెప్పింది.
