విశాఖపట్నం ఫిషింగ్‌ హార్బర్‌లో అగ్నిప్రమాదం ఘటనలో తనకు ఎలాంటి సంబంధం లేదంటున్నారు యూట్యూబర్, లోకల్‌బాయ్‌ నాని. పైగా పోలీసులపైనే హైకోర్టులో పిటిషన్ వేశాడు. అగ్నిప్రమాదం, బోట్లు తగలబడిన ఘటనలో ఏపీ పోలీసులు అనుమానితుడిగా భావించి నానిపై కేసు నమోదు చేశారు. అయితే విశాఖపట్నం పోలీసులు తనను మూడు రోజులు అక్రమంగా నిర్బంధించారంటూ హైకోర్టులో హెబియస్ కార్పస్ పిటిషన్ ఫైల్ చేశాడు నాని. ఈ పిటిషన్‌పై హైకోర్టులో వచ్చే సోమవారం విచారణ జరగనుంది.
