ప్రతి నియోజకవర్గానికి ప్రత్యేకంగా స్ట్రాటజీని సిద్ధం చేస్తున్నారు అమిత్ షా. ప్రస్తుతం తెలంగాణ నుంచి పార్లమెంట్ కు ప్రాతినిధ్యం వహిస్తున్న ఎంపీలను అసెంబ్లీ బరిలోకి దించడంపైనా చర్చ జరుగుతోంది. ఎన్నికలకు చాలా తక్కువ సమయం ఉండటంతో అమిత్ షా నేతృత్వంలోని ఢిల్లీ వార్ రూమ్ కీలకంగా వ్యవహరించబోతోంది.
తెలంగాణలో కాంగ్రెస్ నేతల మధ్య ఇంకా గొడవలు సాగుతున్నాయి. పార్టీని బలోపేతం చేయడంపై దృష్టిపెట్టాల్సిన నాయకులు అంతర్గత కుమ్ములాటలతో బిజీగా ఉన్నట్లు కనిపిస్తోంది. తన పార్టీకి చెందిన వారిపైనే కాంగ్రెస్ సీనియర్ నేత ఉత్తమ్ కుమార్ రెడ్డి ఫిర్యాదు చేయడమే ఇందుకు నిదర్శనం.
