ఇండియాలోని వాట్సాప్ యూజర్లను ఫేక్ జాబ్స్ పేరుతో వినియోగదారుల్ని మోసం చేస్తున్నట్లు తెలుస్తోంది. అలాగే న్యూడ్ కాల్స్ చేసి, వీడియోలు రికార్డింగ్ చేసి బెదిరిస్తున్నారు. అందుకే ఇలాంటి కాల్స్ విషయంలో అప్రమత్తంగా ఉండాలని సైబర్ నిపుణులు చెబుతున్నారు.
ప్రపంచవ్యాప్తంగా ఎక్కువ మంది వాడే సోషల్ మెసేజింగ్ యాప్ వాట్సాప్ ఇప్పుడు సైబర్ నేరాలకు అడ్డాగా మారింది. వాట్సాప్ ద్వారా వీడియో కాల్స్, మెసేజెస్ పంపి యూజర్లను మోసం చేస్తున్నారు. తాజాగా ఈ స్కాం ఇప్పుడు దేశాన్ని కుదిపేస్తోంది. అందుకే +91 కాకుండా ఇతర దేశాల నుంచి వచ్చే కాల్స్ విషయంలో అప్రమత్తంగా ఉండాలి.
