కొత్తగా నియోజకవర్గాలకు ఇంఛార్జులుగా నియమితులైన వైసీపీ ఎమ్మెల్యేలు, ఎంపీలకు ఇప్పుడో కొత్త టెన్షన్ పట్టుకుంది. ఎన్నికల నాటికి తమకు టిక్కెట్లు ఇస్తారా ? లేదంటే పార్టీని గెలిపించడానికే ఇంఛార్జులను చేశారా ? ఎందుకంటే...సిట్టింగ్స్ మాత్రం ఎన్నికల నాటికి ఏదైనా జరగొచ్చు... తమకే వైసీపీ అధిష్టానం టిక్కెట్ ఇస్తుందని చెప్పుకుంటున్నారు.
ఆంధ్రప్రదేశ్ లో వైసీపీ అధినేత జగన్మోహన్ రెడ్డి 38 నియోజకవర్గాలకు సంబంధించిన ఇంఛార్జుల జాబితాను రిలీజ్ చేశారు. ఇందులో ముగ్గురు ఎంపీ అభ్యర్థులు కూడా ఉన్నారు. కొందరిని స్థానాలు మార్పు చేశారు. కొందరికి టిక్కెట్లు నిరాకరించారు. తిరుపతి, చంద్రగిరి ఎమ్మెల్యేలకు బదులు వాళ్ళ కొడుకులకు టిక్కెట్లు ఇచ్చారు.
