వివేకా కేసు రోజురోజుకు ఆసక్తికరంగా మారుతోంది. సినిమాను మించిన ట్విస్టులు కనిపిస్తున్నాయ్ ఈ ఎపిసోడ్‌లో! సీబీఐ దర్యాప్తులో మైండ్‌ బ్లాంక్ అయ్యే సంచలన నిజాలు బయటకు వచ్చే అవకాశాలు కనిపిస్తున్నాయ్. వివేకా హత్య ఘటన గురించి ప్రపంచానికి తెలియడానికి ముందే.. జగన్‌కు సమాచారం అందిందని.. హైకోర్టులు అఫిడవిట్ దాఖలు చేసింది సీబీఐ. దీంతో వ్యవహారం మరింత ఆసక్తికరంగా మారింది.
వైఎస్‌ వివేకా హత్య కేసులో కడప ఎంపీ అవినాష్ రెడ్డికి సీబీఐ మరోసారి నోటీసులు జారీ చేసింది. ఇవాళ ఉదయం 11 గంటలకు విచారణకు కావాలని ఆదేశించింది. వాట్సాప్‌ ద్వారా అవినాష్‌కు నోటీసులు పంపించారు అధికారులు. కానీ అప్పటికే ప్లాన్‌ చేసిన ప్రోగ్రామ్స్‌ ఉన్న కారణంగా తాను విచారణకు రాలేనంటూ సీబీఐకి లేఖ రాశారు అవినాష్. తాను పులివెందుల వెళ్తున్నానని.. మరో నాలుగు రోజులు సమయం కావాలంటూ లేఖ రాశారు.
వివేకా రెండో భార్య వ్యవహారం మీడియాకు ఇప్పుడు బయటికొస్తోందేమో కానీ... సీబీఐ 2020లోనే షమీమ్ నుంచి వాంగ్మూలం తీసుకుంది. ఆమె చెప్పిన విషయాలన్నింటిపైనా ఆరా తీసింది. ఆ యాంగిల్లో కూడా సుదీర్ఘ విచారణ చేసేసింది. అవన్నీ చేసేసిన తర్వాత కేసు ఇక్కడి దాకా వచ్చింది.
ఏపీలో అన్ని విషయాలు పక్కకుపోయాయ్ ఇప్పుడు.. ఒక్క వివేకా హత్య కేసు తప్ప! భాస్కర్ రెడ్డిని సీబీఐ అరెస్ట్ చేసింది. అవినాశ్ రెడ్డి విషయంలో ఏం జరుగుతుందన్నది టెన్షన్‌ పుట్టిస్తోంది. ఈ నెల 25వరకు ఎలాంటి అరెస్ట్ చేయొద్దని కోర్టు తీర్పు ఇచ్చినా.. ఆ తర్వాత ఏం జరగబోతోందన్న ఆందోళన.. వైసీపీ శ్రేణులను వెంటాడుతోంది. అవినాశ్ రెడ్డి అరెస్ట్ అంటే.. ఓ ఎంపీనో, ఓ వ్యక్తినో అరెస్ట్ చేయడం కాదు.. వైఎస్‌ కుటుంబానికి చెందిన వ్యక్తిని అరెస్ట్ చేయడం.. అదీ పదవిలో ఉన్న వ్యక్తిని అరెస్ట్ చేయడం.. అదే జరిగితే వైసీపీకి ఇబ్బందులు తప్పవు.
వివేకానంద రెడ్డి కేసులో విచారణ వేగం పుంజుకుంది. అవినాష్ రెడ్డి ముందస్తు బెయిల్ పిటీషన్ ను 25తేదీకి వాయిదా వేసింది హైకోర్ట్.
వివేకా మర్డర్‌ కేసులో తెలంగాణ హైకోర్టులో ఎంపీ అవినాష్ రెడ్డికి కాస్త ఊరట లభించింది. ఈ నెల 25 వరకూ అవినాష్ రెడ్డిని అరెస్ట్ చేయొద్దంటూ హైకోర్టు తీర్పునిచ్చింది. అప్పటి వరకూ ప్రతీ రోజూ సీబీఐ విచారణకు రావాలంటూ అవినాష్‌రెడ్డిని ఆదేశించింది. ముందస్తు బెయిల్ కోసం అవినాష్ రెడ్డి దాఖలు చేసిన పిటిషన్‌ను కూడా కోర్టు స్వీకరించింది. దీనిపై దుతి తీర్పు ఈ నెల 25న ఇస్తామంటూ చెప్పింది. అవినాష్ రెడ్డి విచారణను ఆడియో, వీడియో రికార్డ్‌ చేయాలంటూ సీబీఐని ఆదేశించింది.
మొన్నటి వరకూ ఎంపీ అవినాష్ రెడ్డిని సాక్షిగానే పరిగణించిన సీబీఐ.. ఇప్పుడు మాత్రం రిమాండ్ రిపోర్ట్‌లో నిందితుడిగా చేర్చింది. వివేకా హత్య అనంతరం ఆధారాలు మాయం చేయడంలో అవినాష్ రెడ్డి పాత్ర కూడా ఉందని ఆరోపించింది.
వారం రోజుల వ్యవధిలోనే ముగ్గురు కీలక వ్యక్తులను వివేకా హత్య కేసులో అరెస్టు చేసింది సీబీఐ. ఇప్పుడు తండ్రి, పీఏ, అనుచరుడిని అరెస్టు చేయడంతో తర్వాత అవినాశ్ రెడ్డి ఖాయమనే ప్రచారం జోరుగా సాగుతోంది.
వై.ఎస్.వివేకానంద రెడ్డి హత్య కేసులో సీబీఐ దూకుడు పెంచింది. ముఖ్యంగా కడప ఎంపీ అవినాశ్ రెడ్డి చుట్టూ ఉచ్చు బిగిస్తోందని అర్థమవుతోంది. వివేకా హత్య కేసు హైదరాబాద్ కు బదిలీ అయిన తర్వాత పరిణామాలు వేగంగా మారిపోతున్నాయి.
